ཁྱེད་ཀྱི་གནས་ཡུལ་ནི།  མདུན་ཤོག > གནའ་བོའི་ཡོ་བྱད།

གནའ་ཆས་དང་འོད་སྡེར་བསྡུས་པའི་དམིགས་ཡུལ།

སྤེལ་དུས། 2013-03-08 20:47:46  ཁུངས། ངེད་དྲ་བ།  རྩོམ་པ་པོ། ཤེས་རིག་གླིང་།  རྡེབ་ཚད། 

གོ་ལ་ཟླུམ་པོ་འདིར་མི་རིགས་ཤིག་ཡུན་རིང་འཚོ་སྡོད་བྱེད་པ་ལ། མི་རིགས་དེའི་སྐད་ཡིག་དང་། ཁྱད་པར་དུ་ཡུལ་སྲོལ་གོམས་འདྲིས། འཚོ་བ་རོལ་བྱེད་ཀྱི་ཅ་ལག་ཡོ་བྱད་བཅས་ཀྱིས་རང་རྐྱ་ཕེར་བའི་མི་རིགས་ཤིག་ར་སྤྲོད་བྱེད་ཐུབ་ཡིན། དཔེར་ན། ཉིང་ཁྲི་ས་ཁུལ་ནས་ཉེ་རབས་རུས་པ་ཐོན་པ་ཞིབ་འཇུག་བྱས་པས། ལོ་བཞི་སྟོང་ལྷག་གི་གོང་གི་ཉིང་ཁྲི་གདོད་མའི་སྤྲ་རིགས་ཡིན་པར་ཐག་བཅད་པ་དང་། གཞན་ཡང་དིང་རི་། ཆབ་མདོ་ཁ་རུབ། ཏུའུ་ལན་སོགས་ལས་ཐོན་པའི་རྡོ་ཆས་དང་རྫ་ཆས། རུས་ཆས་ཀྱི་དབྱིབས་དང་བཟོ་རྩལ་མི་འདྲ་བ་འབོར་ཆེན་ཐོན་པ་རྣམས། ལོ་ངོ་ཁྲི་སྟོང་ལྷག་གི་སྔོན་གྱི་བོད་ཀྱི་ལོ་ཞིབ་འཇུག་བྱེད་པའི་རིན་ཐང་ཅན་དུ་གྱུར་བ་ལྟ་བུ་ཡིན། མི་རིགས་ཀྱི་གདོད་མའི་འཚོ་བ་མཚོན་པའི་ཡོ་བྱད་དང་། གནའ་མིའི་སོར་རྩེ་ལས་བྱུང་བའི་དངོས་པོ་བསྡུ་གཉེར་བྱས་ཏེ། བོད་ཀྱི་མི་རིགས་ཀྱི་གོམས་གཤིས་དང་འཚོ་བ་ཉམས་འགྲོ་བ་དག་ལ། ཕྱིར་དྲན་གྱི་ཚུལ་གྱིས་གཟིགས་མོར་འབུལ་རྒྱུ་དང་། གཞན་ད་དུང་ང་ཚོས་རེབ་གོང་ཤེས་རིག་གླིང་གིས་བརྡ་དག་གསལ་གསུམ་ཚང་བའི་བོད་ཀྱི་མཁས་དབང་རྣམས་ཀྱི་བཤད་ཁྲིད་གནང་བའི་སྒྲ་ཐག་དང་། བརྙན་སྡེར། མི་རིགས་ཤིག་གི་འཚོ་བའི་བླ་སྲོག་ཞུགས་པའི་འཚོ་བའི་སྣང་བརྙན་གསོན་པོར་བཞེངས་པའི་ལྷ་རྩེད་དང་། ཀླུ་རྩེད། དམག་རྩེད། ཟློས་གར་འཁྲབ་སྟོན། གླུ་དང་རྡུང་ལེན་སོགས་སྲོལ་རྒྱུན་རིག་གནས་ཀྱི་འོད་སྡེར་ཡང་བསྡུ་སྒྲིག་བྱས་ཡོད་དོ།།